الاثنين، 16 نوفمبر، 2009

فتش عن ايران

يقول شريط الاخبار في قناة العراقية ان جهات اقليمية تمارس ضغوطا على ائتلاف دولة القانون وعلى الائتلاف الوطني من اجل ان يتحدا! لاحظ مفردة جهات اقليمية وليس جهة اقليمية فمن هي الجهة الاخرى غير ايران ممن تمارس هذه الضغوط ومن له مصلحة غيرايران في فوز هذا التيار دون غيره والعراق اصبح ساحة لمشروعين واحد عربي واخر ايراني وكأننا اصبحنا دولة صغيرة مهمشة لاحول لها ولاقوة مثلنا مثل لبنان تتنازعها مصالح الدول الاقليمية. نقول للعراقية خلي النقط على الحروف انتم قناة اعلامية وليس قناة دبلوماسية! خليكم على كد المسؤولية! لاتنافقوا على حساب دماء العراقيين التي تراق مع كل صباح. سياسة حجب الحقائق حتى على البسطاء لم تعد تجدي نفعا! والخاسر الوحيد في النهاية هو انتم وفي الحقيقة هي انكم فقدتم الكثير من مصداقيتكم من جراء هذه السياسة التي تتبعونها والتي لم تفعلوا اي شئ من اجل تطويرها.

هناك تعليقان (2):

نبض العراق يقول...

إيران في الجحر والجحر في الزاغور والزاغور في الماخور والماخور في غرفة ملاصقة لغرفة رئيس هيئة الاعلام العراقي حيث يتواجد مستشارون معممون من اصول إيرانية بعضهم يحمل الدكتوراه الحوزوية مثل رئيس الهيئة ! ولا تبث مادة الا بموافقة ساكني الماخور فكيف يشيرون لايران من قريب أو بعيد فإيران كما يقولون لا تتدخل في شؤون العراق حالها حال المرجعية النجفية لا تتدخل في السياسة ! ولا تؤمن بولاية الفقيه ! إلا إن أيا من عضاريط الحكم لا يقدم على خطوة ما لم يستشير المرجعية والمرجعية إيرانية والماخور إيراني وقناة العراقية إيرانية والمتعة إيرانية ومقبلاتها حكيمية وكؤوس الشراب طويرجاوية والمغفلون عراقيون وحي على الصلاة

البرجوازي العراقي يقول...

مو هو اني ميقتلني غير هاي الازدواجية

يعني يجي مثلا رئيس الوزراء ويحجي بالتدخلات واعماله تختلف يعني هو دهن ودبس وية ايران. يعني مثلا اذا هو وية ايران لازم يفهمنا ليش يركض وراها واذا خايف منها خلي يكول ليش خايف منها يعني خلي يصير عدهم وجه واحد.

شوف اكو قضية هم متعجبني كثير من الناس هو معجب بايران وبالعقلية مالت الملالي بس شيسوي يكول ان لا متعجبني ايران بعدين شيكلي اني من رحت لايران هيجي جانن الايرانيات حلو نازكات من يسلمون يكلون ...سالوم قصدي سلام بس باللهجة الفارسية, وبعدين هيجي شفنا من زرنا الرضا وهي جي جان اكو بالسوك وهي مرتبين وهيجي بالليل يجون المنظفين ينظفون وهكذا وبعدين يكول لا خلي يولون الايرانيين عجم.
وراها شيكلي شنو رايك اذا ازوج ايرانية؟ ههههههههه كانما اكو عقلين براسة مثل حكومتنا الرشيدة وبالمناسبة خلي يبطلون من كلمة رشيدة لان هاي تذكرهم بهارون الرشيد اللي همه يضوجون منه طبعا مع انه كان يحكم العالم من بغداد.

اكو واحد يكره رمز من رموز قوة العراق وبغداد؟ لا وشنو المفروض ذولة يمثلون العراق يعني حتى الزعاطيط ميقتنعون بيهم؟

البرجوازي العراقي